اسلام آباد (این این آئی)وفاقی وزیر علی زیدی نے کہا ہے کہ ساراگیم پنجاب کاہے، پنجاب میں لوگ وزارتیں چاہتے ہیں ،تھریٹ وہ ہوتی ہے جو کوئی لے ،ہم تھریٹ لے ہی نہیں رہے۔ایک انٹرویو میں وفاقی وزیر علی زیدی نے کہا کہ انسان غلطی کرتاہے تواس کی معافی مانگتاہے ،تڑی الگ چیزہوتی ہے لیکن نذیرچوہان نے جس قسم کی باتیں کی انہیں بتانے کیلئے ٹوئٹ کیا، ساراگیم پنجاب کاہے،پنجاب میں لوگ وزارتیں چاہتے ہیں۔وفاقی وزیر نے کہا کہ کابینہ میں عمران خان نے کہاکسی کی بھی شکایت آئے انکوائری کراؤں گا ،عمران خان نے کہا حکومت رہے یاجائے انکوائری کراؤں گا، سپریم کورٹ

نے ہی عمران خان کوصادق اورامین کہاتھا، ہماری تحریک کا مقصد قانون کی بالادستی ہے ملک میں قانون کی بالادستی نہیں ہوگی تونقصانات ہوتے رہیں گے۔علی زیدی نے کہا کہ پی ڈی ایم میں بھی خودکوبڑاکہنے والے جمع ہوئے تھے اب کہاں ہیں، آپ نے مجھ پرشوکیا ، الزامات لگے، عمران خان کے سپاہی ہیں اگلے دن آپ کے شومیں آکرہی جواب دیا ،اب جہانگیرترین پر شو کیا میری درخواست ہے پروگرام میں آکر جواب دیدیں۔ان کا کہنا تھا کہ عمران خان ہی پی ٹی آئی ہے اورپی ٹی آئی ہی عمران خان ہے، پی ٹی آئی کی ٹکٹ پر 4 الیکشن ہار نے کے بعد پانچواں الیکشن جیتا۔