لاہور( این این آئی)مسلم لیگ(ن) پنجاب کی سیکرٹری اطلاعات عظمی بخاری نے کہا ہے کہ ترین گروپ کی دھمکی سے تخت لاہور لرزنا شروع ہوگیاہے اور اچانک ممبران کو منتیں کرکے ملوایا جارہا ہے ،عثمان بزدار بھی کرسی چھن جانے کے خوف سے منظر عام پر آگئے ہیں۔ اپنے بیان میں انہوں نے کہا کہ عثمان بزدار حکومتی

ارکان سے شاید الوداعی ملاقاتیں کررہے ہیں،حکومت بھی فارغ اورحکومتی ارکان بھی فارغ ہیں،عثمان بزدار تو ویسے ہی لاہور سیر کرنے آئے ہیں،پنجاب میں حکومتی ارکان کی بڑی تعداد عثمان بزدار سے ناراض ہے ،جب ارکان اسمبلی کے حلقوں میں کام نہیں ہوں گے تو انہوں نے عمران خان کے چہیتے وزیراعلی کا اچار ڈالنا ہے؟۔ انہوں نے کہا کہ اڑھائی سالوں میں پنجاب میں ایک گلی یا کسی گٹر کا ڈھکن تک نہیں لگ سکا،حکومتی اراکین اسمبلی اپنے حلقوں میں شرم کے مارے عوام کا سامنا کرنے کی جرات نہیں کررہے ۔ انہوں نے کاہ کہ شہبازشریف کا موازنہ عثمان بزدار سے کرنا کیا پدی اور کیا پدی کا شوربہ کے مترادف ہے ،عمران نیازی شہبازشریف کو دو بار جیل میں ڈالنے کے بعد بھی ان کی مقبولیت کم نہیں کرسکے ،عوام کی خدمت کرنے والے لیڈرز ہمیشہ ان کے دلوں پر راج کرتے ہیں،عوام کے جیبوں پر ڈاکے مارنے والوں کو ہمیشہ ان سے بددعائیں ہی ملتی ہیں۔ عظمی بخاری نے کہا ہے کہ ترین گروپ کی دھمکی سے تخت لاہور لرزنا شروع ہوگیاہے اور اچانک ممبران کو منتیں کرکے ملوایا جارہا ہے ،عثمان بزدار بھی کرسی چھن جانے کے خوف سے منظر عام پر آگئے ہیں۔ اپنے بیان میں انہوں نے کہا کہ عثمان بزدار حکومتی ارکان سے شاید الوداعی ملاقاتیں کررہے ہیں،حکومت بھی فارغ اورحکومتی ارکان بھی فارغ ہیں

موضوعات:عظمیٰ بخاری