لاہور(این این آئی )مسلم لیگ(ن) پنجاب کی سیکرٹری اطلاعات عظمیٰ بخاری نے اشیاء خوردونوش کی قیمتوں میں اضافے پر اظہار تشویش کرتے ہوئے کہاکہ عید پر منافع خوروں نے عام شہریوں کو دونوں ہاتھوں سے لوٹا ہے۔بزدار انتظامیہ عید مناتی رہی اور شہری ناجائز منافع خوروں کے رحم کرم پر رہے۔عید کے ایام میں مرغی کا گوشت 550،بیف 750اور مٹن 1500روپے کلو فروخت رہا۔سبز مصالحہ جات کی قیمتیں بھی آسمان سے باتیں کرتی رہیں۔لیکن عثمان بزدار اور ان کے وزیروں اور مشیر وں کی فوج ’’ستو پی‘‘کر سوئی رہی۔پنجاب حکومت نے
عید سے ایک روز قبل برائلر کی قیمت 418روپے مقرر کی ۔مرغی کا گوشت مارکیٹ میں 550سے 500روپے کلو تک فروخت ہوتا رہا۔بیف کی سرکاری کی قیمت450 روپے ،لیکن شہریوں کو بیف 750 روپے کلوتک فروخت کیا جاتا رہا ۔ایک ہزار والا مٹن 1500روپے تک فروخت ہورہا ہے۔سبز مصالحہ جات کی قیمتیں بھی ایسے ہی بلند پرواز پر رہیں۔عثمان بزدار ان چیلے اور خادمہ اول عید کے روز بھی شہبازشریف کو یاد کرتے رہے۔عمرانی ٹولے نے تین سالوں میں جتنی فکر مسلم لیگ ن کی اگر اتنی فکر قوم کے کرتے تو آج ایسے حالات نہ ہوتے۔
