اسلام آباد (این این آئی)جمعیت علمائے اسلام کے سربراہ مولانا فضل الرحمان نے 21 مئی یوم فلسطین منانے کا اعلان کیا ہے۔ اپنے بیان میں مولانا فضل الرحمن نے کہاکہ فلسطینی بھائیوں کی حمایت اور اسرائیل کی ریاستی دہشت گردی کے خلاف اضلاع کی سطح پر بھرپور مظاہرے کئے جائیں۔مولانا فضل الرحمان نے کہاکہ

حرمین شریفین کی طرح قبلہ اوّل بیت المقدس کا تحفظ ایمانی فریضہ ہے۔مولانا فضل الرحمان نے کہاکہ امت مسلمہ کے خون کو ارزاں سمجھنے والوں کے خلاف امت مسلمہ کو سیسہ پلائی ہوئی دیوار بننا ہوگا ۔انہوںنے کہاکہ علماء کرام جمعہ کے اجتماعات میں فلسطینیوں پر ہونے والے اسرائیلی مظالم کے خلاف آواز اٹھائیں۔