لاہور (آن لائن) وزیراعلیٰ پنجاب سردار عثمان بزدار نے جعلی نمبر پلیٹ والی ایک گاڑی پر سفر کرکے قانون کی دھجیاں بکھیر دیں۔ بتایاگیا ہے کہ وزیراعلیٰ پنجاب عثمان بزدار جس بی ایم ڈبلیو گاڑی میں سوار ہو کر پاکستان کے یوم دفاع کی تقریب میں شرکت کیلئے فورٹریس سٹیڈیم لاہور پہنچے تو اس گاڑی پر ZR-1234کی غیر نمونہ نمبر پلیٹ نصب تھی۔ مذکورہ نمبر پلیٹ کے بارے میں جب

محکمہ ایکسائز اینڈ ٹیکسیشن کی رجسٹریشن برانچ سے پتہ کیاگیا تو یہ نمبر ایک ٹویوٹاہائی ایکس ویگن کا تھا جو 1998ء میں محکمہ ایکسائز میں رجسٹرکی گئی تھی دوسری طرف پنجاب حکومت کے ترجمان کا کہنا ہے کہ ملک کی وی وی آئی پی اور وی آئی پی شخصیات کی گاڑیوں کے نمبر پلیٹ تبدیل ہوتے رہتے ہیں جو سیکورٹی کا حصہ ہیں لہٰذا وزیراعلیٰ پنجاب کی گاڑی کی نمبر پلیٹ پر کسی کو حیران نہیں ہونا چاہئے۔