اسلام آباد(مانیٹرنگ ڈیسک)پاکستان اور چین کے خلاف بھارت کی پذیرائی میں اضافہ، امریکہ نے بھارت کیساتھ اہم ترین فوجی دفاعی معاہدہ کر لیا ، نئی دہلی بغیر کسی رکاوٹ کے اہم ترین اور حساس امریکی دفاعی ٹیکنالوجی حاصل کر سکے گا، بھارتی میڈیا کی رپورٹس میں دعویٰ۔ تفصیلات کے مطابق پاکستان اور چین کے خلاف بھارت کی پذیرائی میں اضافہ کرتے ہوئے امریکہ نے بھارت کیساتھ اہم ترین فوجی دفاعی معاہدے کر لیا ہے جس کے تحت
اب بھارت اہم ترین اور حساس امریکی دفاعی ٹیکنالوجی حاصل کر سکے۔ بھارتی میڈیا رپورٹس کے مطابق یہ دعویٰ ایسے موقع پر سامنے آیا ہے جب امریکی وزیر خارجہ گزشتہ روز پاکستان کا دورہ کر کے بھارت پہنچے ہیں۔ امریکی وزیر خارجہ مائیک پومپیو اور امریکی آرمی چیف کا یہ دورہ تین روزہ ہے جس میں دو طرفہ امور سمیت خطے کی صورتحال سمیت دفاعی معاملات خصوصاََ افغانستان، چین اور پاکستان زیر بحث آئینگے۔
