اسلام آباد (آئی این پی) وفاقی وزیر اطلاعات فواد چوہدری نے خود سے منسوب جعلی ٹیلی فون کالز کا سخت نوٹس لیا اور کہا کہ جعل سازوں کی مختلف اداروں میں ٹیلی فون کالز کی شدید مذمت کرتا ہوں ‘ عوام اور اداروں کو مطلع کرتا ہوں کہ وہ ایسے عناصر سے ہوشیار رہیں۔ جمعہ کو وزیر اطلاعات فواد چوہدری نے خود سے
منسوب جعلی ٹیلی فون کالز کا سخت نوٹس لیتے ہوئے کہا کہ ایسے جعل سازوں کو قانون کی گرفت میں لائیں گے۔ جعل سازوں کی مختلف اداروں میں ٹیلی فون کالز کی شدید مذمت کرتا ہوں عوام اور ادارے ایسے عناصر سے ہوشیار رہیں۔ انہوں نے کہا کہ ایسی کسی بھی کال کی تصدیق کریں تاکہ دھوکہ دہی سے محفوظ رہ سکیں۔
