لاہور (ا ین این آئی) مسلم لیگ (ن) کے مرکزی رہنما عابد شیر علی نے کہا ہے کہ پیپلز پارٹی کو اپوزیشن کا ساتھ دینا چاہیے تھا مگر آصف زرداری اپنی کرپشن کو بچانے کے لئے جمہوری اقدار کو نقصان پہنچا رہے ہیں ۔ان خیالات کا اظہار انہوں نے حلقہ این اے 124سے اپنے کاغذات نامزدگی کی منظوری کے بعد میڈیا سے گفتگو کرتے ہوئے کیا ۔انہوں نے کہا کہ زرداری اپنی کرپشن کو بچانے کے لئے

یہ سب کچھ کر رہے ہیں۔ جس کی وجہ سے جمہوری اقدار کو نقصان پہنچا رہے ہیں۔ زرداری کو چاہیے کہ اپنے معاملات کا سامنا کریں اور جمہوریت داؤ پر نا لگائیں۔ اگر انہوں نے ایسا ہی کرنا ہے تو ان کو چاہیے وہ حکومت کا حصہ بن جائیں۔قبل ازیں عابد شیر علی کاغذات نامزدگی کے لئے آر او کے روبرو پیش ہوئے۔ آر او اکرام سبحانی نے ان کے تمام کاغذات نامزدگی کو چیک کرتے ہوئے منظور کرلیا۔