ڈیرہ اسماعیل خان (اے این این ) ڈیرہ اسماعیل خان کے ڈی پی او نے متحدہ مجلس عمل کے صدر مولانا فضل الرحمن کے بیٹے اور رکن قومی اسمبلی مولانا اسد محمود پر قاتلانہ حملے کا خدشہ ظاہر کردیا۔ مولانا اسد محمود نے صوبائی اسمبلی کی نشست(37ٹانگ)سے ایم ایم اے کے امیدوار کی حیثیت سے کامیابی حاصل کی تھی۔25 جولائی کے انتخابات سے قبل انتخابی مہم کے دوران مولانا اسد محمود پر قاتلانہ حملہ کیا گیاتھا۔ڈی آئی جی کی
جانب سے جاری مراسلے میں واضح کہا گیا کہ مولانا اسد محمود کو تحریک طالبان نور ولی گروپ کی جانب سے قاتلانہ حملہ کا خدشہ ہے۔مراسلے میں مولانا اسد محمود اور متعلقہ افسران کو مراسلے میں احتیاطی تدابیر اپنانے کی ہدایت کی گئی۔اس میں کہا گیا کہ کسی بھی ناگہانی صورت حال سے بچنے کیلئے غیر ضروری آمد و رفت ختم اور سیاسی دوروں کو محدود کردیا جائے۔مراسلے میں ہدایت کی گئی کہ مولانا اسد محمود سیاسی اور نجی تقریبات کو خفیہ رکھا جائے۔
