اسلام آباد (آئی این پی) وزیرخارجہ شاہ محمود قریشی اور ہالینڈ کے وزیرخارجہ کے درمیان دوسری بار ٹیلیفونک رابطہ ہوا، جس میں گستاخانہ خاکوں کا مقابلہ روکنے کیلئے دونوں ممالک کی کاوشوں کو سراہا گیا،شاہ محمود قریشی نے مذہبی منافرت روکنے کیلئے مل کر کام کرنے پر زور دیا۔جمعہ کو ترجمان دفتر خارجہ کے مطابق وزیرخارجہ شاہ محمود قریشی اور ہالینڈ کے وزیرخارجہ کے درمیان دوسری بار
ٹیلیفونک رابطہ ہوا، جس میں گستاخانہ خاکوں کا مقابلہ روکنے کیلئے دونوں ممالک کی کاوشوں کو سراہا گیا۔وزیرخارجہ شاہ محمود قریشی نے مذہبی منافرت روکنے کیلئے مل کر کام کرنے پر زور دیتے ہوئے کہا کہ تہذیبوں کے درمیان روابط مضبوط کرنے کی ضرورت ہے تا کہ اس طرح کے واقعات دوبارہ رونما نہ ہوں اور دونوں ممالک کو ایک دوسرے کی تہذیب و تمدن سمجھنے میں مدد ملے۔
