لاہور (نیوز ڈیسک ) پاکستان مسلم لیگ (ن)کے رہنما عابد شیر علی نے کہا ہے کہ جمہوریت کو مستحکم کرنے کے لیے کردار ادا کرتے رہیں گے، پارٹی کی ہدایات پر حلقہ این اے 124سے کاغذات نامزدگی حاصل کیے،ہیلی کاپٹر سروس اتنی سستی ہے تو پھر عام شہریوں کیلئے بھی شروع کریں، نیب سرعام ہیلی کاپٹر استعمال کرنے پر اب کیوں تحقیقات نہیں کررہی؟، حکومتی ارکان کے
پروٹول نہ لینے کے دعوے محض ڈارمہ ہیں۔ بدھ کو عابد شیر علی نے الیکشن کمیشن کے آفس کے باہر میڈیا سے بات چیت کرتے ہوئے کہا کہ پارٹی کی ہدایات پر حلقہ این اے 124سے کاغذات نامزدگی حاصل کیے ہیں، جمہوریت کو مستحکم کرنے کے لیے کردار ادا کرتے رہیں گے۔انہوں نے کہا کہ وزیراعلی پنجاب ہسپتال کا کہہ کر دربار پہنچ جاتے ہیں، ان کے اقدامات ایک اسٹیج ڈرامے کی مانند ہیں، وزیراعلی پنجاب ہیلی کاپٹر پر دوستوں کے گھر جا رہے ہیں۔انہوں نے سوال اٹھایا کہ قومی احتساب بیورو ( نیب)سرعام ہیلی کاپٹر استعمال کرنے پر اب کیوں تحقیقات نہیں کررہی؟عابد شیر علی نے کہا کہ پاکستان پیپلز پارٹی کی اپنی سو مجبوریاں ہیں، ہم چاہتے ہیں کہ پیپلز پارٹی متحدہ اپوزیشن کے ساتھ چلے، انہوں نے سوال اٹھایا کہ پیپلز پارٹی نے کس طرح خود سے ہی امیدوار کا انتخاب کرلیا؟انہوں نے عمران خان کی حکومت پر تنقید کرتے ہوئے کہا کہ ان کی حکومت کامیڈی فلم کی طرح ہے اور حکومتی ارکان کے پروٹول نہ لینے کے دعوے محض ڈارمہ ہیں۔ عابد شیر علی نے کہا کہ پاکستان پیپلز پارٹی کی اپنی سو مجبوریاں ہیں، ہم چاہتے ہیں کہ پیپلز پارٹی متحدہ اپوزیشن کے ساتھ چلے، انہوں نے سوال اٹھایا کہ پیپلز پارٹی نے کس طرح خود سے ہی امیدوار کا انتخاب کرلیا؟عابد شیر علی نے کہا کہ اگر ہیلی کاپٹر کی سروس اتنی سستی ہے تو پھر لاہور اور پشاور میں عام شہریوں کے لیے بھی ہیلی سروس شروع کردیں۔
