مانسہرہ(سی پی پی )مانسہرہ میں نامعلوم افراد نے بٹگرام سے سابق امیدوار صوبائی اسمبلی سردار ملک جان کے جواں سالہ بیٹے کو قتل کرنے کے بعد نعش بوری میں ڈال کر ویرانے میں پھینک دی، متوفی کی نعش کی شناخت موبائل سم کے ذریعہ سے ہوئی، پولیس نے نامعلوم قاتلوں کے خلاف مقدمہ درج کر کے تفتیش شروع کر دی ہے۔
تفصیلات کے مطابق تھانہ صدر پولیس کو اطلاع ملی تھی کہ کلگان موڑ کے قریب ویرانے میں بوری بند مسخ شدہ نعش پڑی ہے جس پر پولیس اہلکار موقع پر پہنچ گئے جہاں سے بوری بند نعش جو مسخ شدہ حالت میں تھی، کو نکالا گیا تاہم متوفی کی جیپ سے ملنے والے موبائل میں پڑی سم کی مدد سے متوفی کی شناخت سردار آصف جان ولد سردار ملک جان کے طور پر ہوئی۔
