اسلام آباد (سی پی پی)وزارت توانائی نے بتایا ہے کہ کروٹ ہائیڈروپاور پراجیکٹ پر کام 2021 کے آخر تک مکمل ہو جائے گا، منصوبے سے 720میگاواٹ بجلی حاصل ہو گی۔ وزارت توانائی کے مطابق یہ منصوبہ چین پاکستان اقتصادی راہداری کاحصہ ہے اور اس پر مجموعی طورپر 1420ملین ڈالر لاگت آئے گی۔منصوبے کے لئے زمین کاحصول پہلے ہی

کیاجا چکا ہے اور فروری 2017 میں اس کے مالیاتی امور کو حتمی شکل دی گئی تھی۔منصوبے پر 25 فیصد سول ورک مکمل ہو چکا ہے۔ یہ منصوبہ پنجاب اور آزاد کشمیر میں دریائے جہلم پر مکمل کیا جائے گا اور منصوبہ بناؤ چلاؤ اور منتقل کرو کے فارمولے کے تحت مکمل ہو گا۔ منصوبے پر کیروٹ پاور کمپنی پرائیویٹ لمیٹڈ کام کررہی ہے اور چین کی تھری گارجز ساؤتھ ایشیا انویسٹمنٹ لمیٹڈ مالی معاون فراہم کرنے والی بڑی کمپنی ہے۔

موضوعات:وزارت توانائی