راولپنڈی(مانیٹرنگ ڈیسک) پاکستان آرمی کے شعبہ تعلقاتِ عامہ آئی ایس پی آر نے کہا ہے کہ اس نے کسی بھی شہر کے لیے کوئی بھی سکیورٹی الرٹ جاری نہیں کیا، جبکہ سوشل میڈیا پر گردش کرنے والی تمام خبریں بے بنیاد ہیں،اس قسم کے پروپیگنڈے کا مطلب عوام میں تذبذب پیدا کرکے انہیں ہراساں کرنا ہے،

جعلی بیانات سامنے آنے کی صورت میں ادارے کی ویب سائٹ سے وضاحت کیلئے رابطہ کریں۔انٹر سروس پبلک ریلیشنز(آئی ایس پی آر)کی جانب سے ایک بیان جاری کیا گیا جس میں سوشل میڈیا پر چلنے والے جعلی تھریٹ الرٹ کی تردید کردی گئی۔آئی ایس پی آر کے پیغام کا کہنا تھا کہ سماجی رابطوں کی ویب سائٹ پر سکیورٹی الرٹ کے حوالے سے جھوٹی خبریں گردش کر رہی ہیں۔آئی ایس پی آر کی جانب سے وضاحت پیش کی گئی کہ اس طرح کا کوئی الرٹ کسی بھی شہر کے لیے ادارے کی جانب سے جاری نہیں کیا گیا۔پاک فوج کے شعبہ تعلقاتِ عامہ کے بیان میں کہا گیا کہ اس قسم کے پروپیگنڈے کا مطلب عوام میں تذبذب پیدا کرکے انہیں ہراساں کرنا ہے۔بیان میں بتایا گیا کہ سکیورٹی خطرات کے حوالے سے جعلی پیغامات شائع کیے جارہے ہیں، عوام اس قسم کے بیانات اور جعلی کالز پر توجہ نہ دیں اور ان پر نظر رکھیں۔آئی ایس پی آر کی جانب سے کہا گیا کہ جعلی بیانات سامنے آنے کی صورت میں ادارے کی ویب سائٹ https://www.ispr.gov.pk سے وضات کے لیے رابطہ کریں۔واضح رہے کہ سماجی رابطے کی ویب سائٹس پر جعلی پیغامات گردش کر رہے تھے جس میں بتایا گیا تھا کہ پاکستان کے بڑے شہروں میں سکیورٹی خطرات ہیں۔مذکورہ پیغامات کو پاک فوج کے شعبہ تعلقاتِ عامہ سے منسوب کرکے شیئر کیا جارہا تھا۔