لاہور ( این این آئی) گلوکارہ و اداکارہ رابی پیرزادہ نے کہا ہے کہ مجھے ماڈلنگ کا کوئی شوق نہیں ، میں صرف گلوکاری اور اداکاری تک ہی محدود رہناچاہتی ہوں۔ انہوں نے خصوصی گفتگو کرتے ہوئے کہاکہ نت نئے تجربات کرنا میری فطرت میں شامل ہے ، سوفٹ ویئر انجینئر ہونے کے ساتھ میں چھوٹے جہاز اڑانے کی تربیت بھی حاصل کر چکی ہوں ،کراٹے ماسٹر ہونے کے ساتھ
بیرون ملک سے بیوٹیشن کورس بھی کر رکھا ہے ۔ انہوں نے ایک سوال کے جواب میں کہاکہ میری بطور ہیروئن پہلی فلم ’’ شور شرابہ ‘‘ مکمل ہو چکی ہے جس کی نمائش مارچ میں کی جائے گی ۔ انہوںنے کہا کہ میں نے اپنے گارڈن ٹائون میں واقع بیوٹی سیلون کے بعد ڈیفنس میں بھی رابی بیوٹی سیلون بنانے کے لئے کام شروع کر دیا ہے اور اسی ماہ اسکا باقاعدہ افتتاح بھی کر دیا جائے گا ۔
