اسلام آباد(مانیٹرنگ ڈیسک)بچوں اور بڑوں کے پسندیدہ ڈرامے عینک والے جن میں بل بتوڑی کا کردار ادا کرنے والی معروف اداکارہ نصرت جہاں آرا ء آج لاہور میں انتقال کر گئیں ۔ نصرت آرا ایک سال سے فالج کے مرض میں مبتلا تھیں ۔ آج طبیعت زیادہ خراب ہونے پر انہیں لاہور کے جناح
ہسپتال لایا گیا مگروہ چل بسیں اور لاکھوں معصوم چہروں پر مسکراہٹیں بکھیرنے والی نصرت جہاں آرا ء اپنے مداحوں کو اداس چھوڑ کر دنیائے فانی سے رخصت ہو گئیں ۔ان کے انتقال کی خبر پورے ملک میں جنگل کی آگ کی طرح پھیل گئی ۔بڑے ،خصوصاً بچے ان کی وفات کی خبر سن پر افسردہ ہو گئے۔
