اسلام آباد (مانیٹرنگ ڈیسک) پاکستان فلم انڈسٹری اور ٹی وی کی معروف اداکارہ ماہرہ خان کی بھارتی اداکار رنبیرکپورکے ساتھ نیویارک میں تصاویر منظر عام پر آنے کے بعد ماہرہ خان پر ایک طرف تنقید کی جا رہی تو دوسری طرف بہت سے لوگ ان کی حمایت میں بھی بول رہے ہیں۔
سوشل میڈیا پر ایک پاکستانی ویب سائٹ نے ماہرہ کی قریبی دوست فیہا جمشید کے حوالے سے بتایا ہے کہ ماہرہ کو 104 ڈگری بخارہے۔ویب سائٹ کے مطابق ماہرہ کی دوست فیہا جمشید کا کہنا ہے کہ ماہرہ گزشتہ 2 روز سے سخت صدمے میں ہیں، اس کے علاوہ اداکارہ میرا سیٹھی نے بھی اس بات کی تصدیق کی ہے کہ ماہرہ خان فلم کے سیٹ پر نہیں آ ری ہیں۔ اداکارہ میرا سیٹھی نے اپنے انسٹا گرام پیج پر فلم ’’سات دن‘‘ کی شوٹنگ کے دوران لی گئی ایک تصویر شیئرکی جس پر مداحوں نے کمنٹس کیے۔ ماہرہ خان کے ایک پرستار نے میرا سے پوچھا کہ کیا ماہرہ خان بھی آپ کے ساتھ ہیں اور کیا وہ ٹھیک ہیں؟ جس پر میرا سیٹھی نے جواب دیا کہ پوچھنے کا شکریہ، ماہرہ خان سیٹ پر موجود نہیں ہیں اور ہم سب کوشش کر رہے ہیں کہ وہ شوٹنگ کے لیے آ جائیں۔ واضح رہے کہ پاکستانی اداکارہ کی بھارتی اداکار رنبیر کپور کے ساتھ تصاویر منظر عام پر آئی تھیں جن میں دونوں سگریٹ نوشی کر رہے تھے، ان کی تصاویر پر لوگوں نے ہر طرح کے کمنٹس کیے تھے، بعض نے تو ماہرہ خان پر شدید تنقید کی تھی جس پر ماہرہ خان شدید ذہنی دباؤ کا شکار ہو بیمار پڑ گئی ہیں۔
