لاہور ( این این آئی) نامور گلوکارہ عینی طاہرہ 16ستمبر کو الحمراہ ہال llمیں ہونے والی تقریب میں لیجنڈ گلوکارہ میڈم نور جہاں کو ان کا گایا ہوا گانے گا کر ٹربیوٹ پیش کریں گی ۔ اس حوالے سے انہوں نے ’’ این این آئی‘‘ سے خصوصی گفتگو کرتے ہوئے کہا کہ میں خود بھی میڈم نور جہاں کے انداز گائیکی کی بہت بڑی فین ہوں اور اپنے آپ کو خوش قسمت تصور کرتی ہوں کہ مجھے برصغیر کی عظیم گلوکارہ کو خراج تحسین

پیش کرنے کا موقع ملا ہے جو میرے لیے بڑے اعزاز کی بات ہے ۔ ایک سوال کے جواب میں انہوں نے بتایا کہ میرا میوزک البم مکمل ہو چکا ہے جسے ریلیزنگ کے لئے بھارت سمیت دیگر ممالک سے آفرز موصول ہو رہی ہیں مگر میں اپنا البم اپنے وطن پاکستان سے ہی ریلیز کروں گی ۔