ممبئی (این این آئی)بالی وڈ اداکارہ شلپا شیٹھی نے ممبئی میں ہوٹل کے باہر نجی سکیورٹی ایجنسی کے گارڈز کے پاپارازی کے ساتھ برے سلوک پر تنقید کی ہے۔یہ واقعہ گزشتہ شب اس وقت پیش آیا جب شلپا شیٹھی اور ان کے شوہر راج کندرا ہوٹل سے باہر آرہے تھے اس دوران دو فوٹو گرافر ان کی تصاویر اتاررہے تھے۔پولیس کے

مطابق جب اداکارہ اور ان کے شوہر کار کے اندر داخل ہورہے تھے تو دو گارڈز نے مبینہ طور پر فوٹو گرافرز کو پیچھے دھکیلا اور بعد ازاں ان کے ساتھ نارواں سلوک کیا۔شلپا شیٹھی نے انسٹا گرام پر پوسٹ کیا کہ اف میرے خدا ٗمیں حیران اور مایوس ہوں کہ کس طرح ان فوٹو گرافرز پر تشدد کیا گیا ٗ واقعی یہ غیر ضروری تھا ٗپاپارازی کیلئے بہت دکھ ہورہا ہے،یہ لوگ بعض اوقات تصاویر کیلئے گھنٹوں کھڑے رہتے ہیں، یہ میری برادری کا حصہ ہیں اور کسی کو اپنی جاب پوری کرنے کیلئے انہیں مارنے کی ضرورت نہیں، جو کچھ ہوا میں اس کی مذمت کرتی ہوں۔اداکارہ جو اس وقت امرتسر میں ہیںنے کہا کہ انہیں واقعہ کا افسوس ہے ٗ فوٹوگرافرز سونو اور ہمانشو شندے کی شکایت کی بنیاد پر دونوں گارڈز کے خلاف کیس آئی پی سی سیکشن 324 کے تحت بک کرلیا گیا ہے ٗاپنی مرضی سے خطرناک ہتھیار یا شے سے نقصان پہنچانا مقدمہ درج کیا گیا ہے۔

موضوعات:شلپا شیٹھی