لاہور(این این آئی) نجی ٹی وی کے مزاحیہ شو کی کو ہوسٹ عائمہ بیگ نے مزاحیہ شو چھوڑ کر کوک اسٹوڈیو جوائن کرلیا ۔ذرائع کے مطابق عائمہ بیگ نجی ٹی وی چینل کے مزاحیہ شو میں کو میزبان کے فرائض انجام دینے کے ساتھ گلوکاری میں مصروف تھیں اور اب انہوں نے مزاحیہ شو کو خیر آباد کہہ کر کوک اسٹوڈیو میں گلوکاری کا آغاز کردیا ہے ۔ یاد رہے کہ عائمہ بیگ فلموں بھی گلوکاری کا مظاہرہ کرچکی ہیں ۔گلوکارہ عائمہ
بیگ نے اس حوالے سےبتایا کہ میں بچپن سے گائیکی کا شوق رکھتی تھیں، سات سال کی عمر میں یہ واضح ہوا کہ گانے کی صلاحیت رکھتی ہوں چونکہ ہمیشہ سے تنہائی پسند تھیں، کبھی فیملی کے سامنے یا پبلک مقام پر نہیں گایا تو جب میں نے بحیثیت گلوکار اپنے کیرئیر کا آغاز کرنا چاہا توانھیں تھوڑا دھچکا لگا، وہ انڈسٹری میں مقابلے کی فضا کو جانتے تھے کہ کس طرح خود کو بنائے رکھنا ضروری ہوتا ہے لیکن میری خواہش کے آگے انھوں نے رضامندی دے دی۔
