لاہور (این این آئی) پاکستان فلم انڈسٹری کی نامور اداکارہ نادرا کی 22ویں برسی آج ( اتوار) منائی جائے گی۔ اداکارہ نادرا نے اپنے فلمی کیرئیر کا آغاز 1986ء سے اپنی پہلی پنجابی فلم ’’آخری جنگ ‘‘سے کیا جو ان کے لئے سنگ میل ثابت ہوئی جس کے بعد وہ مسلسل فلموں میں جلوہ گر ہو کر اپنی خوبصورت اداکاری کے جوہر دکھاتی رہیں۔

انہوں نے بے شمار پنجابی اوراردو فلموں میں اداکار ی کی ۔ اداکارہ نادرا کو 6اگست 1995 ء کو نامعلوم افراد نے گلبرگ کے علاقہ میں گولیا ں مار کر قتل کردیا تھا ۔تقریباً بائیس سال گزرنے کے باوجود تاحال اداکارہ نادرہ کے قاتل گرفتار نہیں ہوسکے اور قتل کا یہ کیس پولیس کی فائلوں کی نذر ہوگیا۔

موضوعات:اداکارہ نادرا