نیویارک (این این آئی)پریانکا چوپڑا بولی وڈ میں شاندار کریئر بنانے کے بعد اب ہولی وڈ میں بھی تیزی سے قدم جما رہی ہیں۔انہوں نے امریکا میں اپنے ٹی وی شو ’کوائنٹیکو‘ سے آغاز کیا، جس کے بعد اپنی پہلی ہولی وڈ فلم ’بیواچ‘ سائن کی،

اس فلم کے بعد پریانکا کو ’اے کڈ لائک جیک‘ کی آفر موصول ہوئی جو رواں سال ریلیز ہوگی۔اور اب 34 سالہ پریانکا چوپڑا نے اپنی تیسری ہولی وڈ فلم سائن کرلی ہے، جس میں وہ ایک یوگا سفیر (یوگا ایمبیسیڈر) کے روپ میں نظر آئیں گی۔اس فلم کا نامIsn’t It Romantic‘یعنی ’کیا یہ رومانوی نہیں؟‘ رکھا گیا ہے، جس میں پریانکا چوپڑا ایزابیلا نامی کردار میں دکھائی دیں گی۔اس فلم کی کہانی رومانوی اور کامیڈی ہوگی۔فلم میں پریانکا کے ہمراہ ہولی وڈ اداکارہ ریبیل ولسن مرکزی کردار ادا کرتی نظر آئیں گی۔فلم کی پروڈکشن پر فی الحال کام جاری ہے، جس کی شوٹنگ نیویارک میں ہوگی۔فلمIsn’t It Romantic‘سال 2019 میں 14 فروری یعنی ویلنٹائنز ڈے پر ریلیز ہوگی۔

موضوعات:پریانکا چوہڑا