کراچی (این این آئی)معروف اداکار ہمایوں سعید نے کہا کہ فلم’’یلغار‘‘ کی 22 ممالک میں بیک وقت ریلیز سے ہمیں بھی اچھا رسپانس ملا ہے۔معروف اداکار ہمایوں سعید نے کہا ہے کہ کوشش ہے کہ اب اپنے معمولات سے ہٹ کر ایک نئے اور نازک موضوع پر کام کروں۔

فلم یلغارمیں ایک نیا ہمایوں سعید شائقین کو نظر آیا ہے۔ منفی کردار میں کام شائقین نے پسند کیا۔ اس کردار کو ادا کرنے کیلئے اپنی ہیرو شپ بھی داؤ پر لگائی۔ ان کا کہنا تھا یہ پہلا موقع تھا کہ ہمایوں سعید لوگوں کو شدت پسند کردار میں نظر آیا۔ منفی کردار ادا کرنے کیلئے بہت پرجوش تھا مگر اسے ادا کرنے کی تیاری انتہائی مشکل ثابت ہوئی۔ میرے خیال میں یہ اس فلم کا سب سے جاندار کردار ہے اور میں ناظرین کے خیالات و احساسات کو جاننے کا شدت سے منتظر ہوں۔ انہوں نے مزید کہا کہ 22 ممالک میں فلم کی بیک وقت ریلیز سے ہمیں بھی اچھا رسپانس ملا ہے۔ امریکہ و برطانیہ میں پریمیئر شوز میں جو پذیرائی ملی انہیں الفاظ میں بیان کرنے سے قاصر ہوں۔

موضوعات:یلغار