کراچی/ممبئی (آئی این پی)عاطف اسلم پاکستان سمیت دنیا بھر میں اپنی سریلی آواز اور بے مثال گانوں کے وجہ سے شہرت رکھتے ہیں۔ان کی یونیک آواز اور گانے کے انداز نے میوزک لوورز کو اپنا دیوانہ بنایا۔ ان کے البم ‘دوری’ نے پاکستان سمیت دیگر ملکوں میں بھی بھرپور شہرت اور پذیرائی حاصل کی جس کے بعد انہوں نے کبھی پیچھے مْڑ کر نہیں دیکھا۔
کچھ عرصہ قبل بھارت کے ایک ریالٹی شو میں ایک سنگر نے جب عاطف اسلم کا گایا ہوا گانا گایا تو ابھیجیت جو اس شو میں ‘جج’ کے فرائض انجام دے رہے تھے، سیخ پا ہوگئے۔ اور جلن میں عاطف اسلم کو بے سْرا کہہ گئے۔انہوں نے کہا جس گلوکار کی آواز سافٹ ویئر اور مشینوں سے ٹھیک کی جائے میں اسے گلوکار نہیں مانتا۔تاہم عاطف اسلم نے ان کی اس بات پر دھیان نہ دیتے ہوئے اپنے کام پر توجہ مرکوز رکھی اور کامیاب گانوں اور البمز سے پوری دنیا میں شہرت اور پذیرائی حاصل کی۔
