ممبئی (مانیٹرنگ ڈیسک)سلمان خان بھی فلم ٹیوب لائٹ اسپیشل شو کو ٹیلی ویژن پر کامیاب نہیں کرا سکے تاہم اس بار بھی کپل شرما کے شو نے بازی مار لی ہے۔ تازہ جاری ہونے والی ریٹنگز کے مطابق بھارت کے کامیڈین کپل شرما نے ایک بار پھر اپنی صلاحیتوں کا لوہا منوا لیا ہے۔تفصیلات کے مطابق سلمان خان نے اپنی فلم ٹیوب لائٹ کی تشہیر کیلئے اس بار دی کپل شرما شو کے بجائے ایک اسپیشل شو سپر نائٹ ود ٹیوب لائٹ کا چناؤ کیا۔ یہ شو بھی اس ہی چینل پر نشر ہوتا ہے جس پر دی کپل شرما شو نشر کیا جاتا ہے

اور شو کی تمام ذمہ داریاں سنیل گروور، علی اصغر ، سوگندھا مشرا اور سنکٹ بھونسلے کے ہاتھوں میں ہے۔تاہم تازہ جاری ہونے والی بھارتی شوز کی ریٹنگز کےمطابق کپل نے بآسانی بازی مار لی ہے۔ ٹاپ ٹین کی فہرست میں کپل کا کامیڈی شو آٹھویں جبکہ سپر نائٹ ود ٹیوب لائٹ 16ویں نمبر پر ہے۔سنیل گروور، علی اصغر، سگندھا مشرا نے ہوائی جہاز تنازعہ کے بعد کپل کا شو چھوڑ دیا تھا۔ تاہم چندن پرابھاکر، جنہیں بیچ میں پروگرام چھوڑنا تھا، واپس آگئے ہیں۔دریں اثنا خاتون کامیڈین بھارتی سنگھ نے بھی کپل شرما کی ٹیم میں شمولیت اختیار کر لی ہے۔