اسلام آباد(مانیٹرنگ ڈیسک)شاہ رخ خان سے تو پوری دنیا واقف ہی ہے لیکن بہت کم لوگ جانتے ہیں ان کی ایک بہن شہناز لالا رخ بھی ہیں جو بہت کم منظر عام پر آتی ہیں۔ ان کے منظر عام پر نہ آنے کی وجہ ان کی ذہنی بیماری ہے جس کے باعث انہیں تمام قسم کی تقاریب اور میڈیا سے دور رکھا جاتا ہے۔ شہناز لالا رخ اپنے بھائی شاہ رخ خان سے 6سال بڑی ہیں۔ شہناز شروع سے ہی ذہنی بیماری میں مبتلا نہیں تھیں بلکہ اپنے والد کی وفات نے انہیں شدید صدمہ سے دوچار کر دیا جس سے وہ آج تک باہر نہیں نکل سکیں ۔ اپنے ایک انٹرویو میں

شاہ رخ خان یہ بات واضح کر چکے ہیں کہ والد کے انتقال نے ان کی بہن کی یہ حالت کر دی ہے ۔ جب ان کے والد کا انتقال ہوا تو اس وقت شہناز گھر پر نہیں تھیں اور جب وہ گھر پہنچی اور والد کی لاش دیکھی تو انہیں اس قدر شدید گہرا صدمہ پہنچا کہ جس نے انہیں ذہنی بیمار بنا دیا اور وہ آج تک اس بیماری سے چھٹکارا حاصل نہیں کر سکیں۔ شاہ رخ خان نے شہناز لالا رخ کو اپنے ساتھ ہی رکھا ہوا ہے اور ان کو علاج کے سلسلے میں کئی بار بیرون ملک بھی لے جا چکے ہیں تاہم شہناز کی حالت بہتر نہیں ہو سکی ۔

موضوعات:شاہ رخ خان شہناز لالا رخ