لاہور (مانیٹرنگ ڈیسک )بالی ووڈکے معروف فنکار دیو آنندقومی کرکٹ ٹیم کے سابق کپتان عمران خان کواپنی مشہور زمانہ فلم ’’اول نمبر‘‘میں اہم کرداردیناچاہتے تھے او راس فلم میں کام کرنے کے حوالے سےدیوآنندعمران خان سے ملنے لندن گئے اوران سے فلم میں کام کرنے کی درخواست کی لیکن عمران خان نے دیوآنندکواس معاملے میں صاف انکارکردیاتھا۔

تفصیلات کے مطابق معروف بھارتی فنکاردیوآنندکرکٹ پرایک فلم بنارہے تھے اوراس میں مرکزی کردارعامرخان اداکررہے تھے لیکن دیوآنندچاہتے تھے کہ اس فلم کوزیادہ ہٹ کرنے کےلئے عمران خان خوداس فلم میں کرداراداکریں اس بات کاجب عمران خان کومعلوم ہواتووہ حیران ہوئے اوردیوآنندنے عمران خان سے ملاقات کےلئے وقت مانگااورلندن میں ان سے اس فلم کے حوالے ملاقات کی توعمران خان سے انہوں نے گھنٹو ں اس حوالے سے کئی گھنٹے گفتگوکی لیکن دیو آنند عمران خان کو راضی کرنے میں کامیاب نہ ہو سکے ،عمران خان نے انہیں صاف صاف بتا دیا کہ وہ بہت خراب ایکٹر ہیں اور فلموں سے دور ہی رہناچاہتے ہیں ۔اس وقت ہی عمران خا ن نے دیوآنندکوفلم میں کام کرنے سے انکارکیااورساتھ بتایاکہ وہ سیاست میں آناچاہتے ہیں دوسری طرف دیوآنندنے عمران خان کاانکارسننے انکارکردیااوراس فلم کاسکرپٹ عمران خان کی رہائش گاہ پرہی چھوڑآئے اوربعدمیں عمران خا ن نے وہ سکرپٹ دیوآنندکوایک خط میں واپس بھیج دیااورساتھ ہی لکھ دیاکہ میں آپ کی فلم میں کام نہیں کرسکتابعد دیوآنندنے اس فلم میں آدتیا پنچولی کو سائن کیا تھا اوریہ فلم نوے کی دھائی میں ریلیزہوئی تھی یعنی کہ 1990میں اورپاکستان نے عمران خان کی قیادت میں 1992میں ورلڈکپ جیتاتھا۔

موضوعات:بالی ووڈ عمران خان