لاہور(این این آئی) معروف اداکارمصطفی قریشی نے گلبرگ میں واقع اپنا چارکنال کاگھرفروخت کر دیا۔بتایاگیاہے کہ 30سی ٹوگلبرگ میں واقع گھر انہوں نے تقریباً 35بر س قبل خودتعمیرکرایاتھاجس کی ڈیزائننگ اس زمانے کے مطابق جدیدترین تھی ۔ بتایاگیاہے کہ مصطفی قریشی نے ابھی گھرکاقبضہ نہیں دیا تما م رقم کی ادائیگی کے بعد قبضہ دے دیاجائیگا۔مصطفی قریشی نے بتایاکہ اس گھرسے میری بہت سی یادیں وابستہ ہیں

تاہم چاروں طرف کمرشل پلازے بن چکے ہیں اورمیر ی فیملی بھی کراچی میں مقیم ہے اس لیے مجھے اتنے بڑے گھرکی ضرور ت نہیں رہی ۔انکاکہناتھاکہ میں کراچی شفٹ نہیں ہورہا ان دنوں زیادہ کام کراچی میں ہے جہاں میں دوفلموں کے علاوہ ٹی وی ڈراموں کی ریکارڈنگ بھی کروارہاہوں جب لاہورمیں کام ہوتویہاں آجاتاہوں ۔انکاکہناتھاکہ میں لاہورکے کسی دوسرے علاقے میں ایک کنال کاگھرخریدنے کاارادہ رکھتاہوں لیکن ابھی تک کوئی گھردیکھانہیں ہے ۔