اسلام آباد(مانیٹرنگ ڈیسک) نجی ٹی وی چینل کے پروگرام میں میزبان حامد میر کو خصوصی انٹرویو دیتے ہوئے بالی ووڈ کنگ شاہ رخ خان نے انکشاف کیا ہے کہ ایک بار فیروز شاہ کوٹلہ سٹیڈیم ، بھارت میں پاک ، بھارت میچ کھیلا جا رہا تھا، میں اس وقت بھی عمران خان کا بہت بڑا فین تھا ، میں نے عمران خان سے آٹو گراف لینا تھا اور میں بائونڈری کے پاس کھڑا تھا، اتنے میں عمران خان جو بیٹنگ کر رہے تھے وہ
آئوٹ ہو گئے اور پویلین جانے لگے، میں نے انہیں دیکھا تو آٹو گراف کیلئے آگے بڑھا، عمران خان کے آئوٹ ہونے سے پاکستانی ٹیم ڈگمگا گئی تھی اور خان اس وقت کچھ غصے میں لگ رہے تھے، میں نے آٹو گراف کیلئے کہا تو انہوں نے مجھے بری طرح ڈانٹ دیا، پھر ایک بار تین سال کے بعد میں ان سے ملا تو میں ان سے شکایت کی کہ آپ نے مجھے ڈانٹ دیا تھا، مجھے بہت برا لگا لیکن میں اب بھی آپ کا بہت بڑا فین ہوں۔
