اسلام آباد(آئی این پی) معروف گلوکار راحت فتح علی خان کی گاڑی وفاقی دارالحکومت میں ٹریفک سگنل توڑ گئی ،فرض شناس اسلام آبادٹریفک پولیس قانون شکنی کو تکتی رہ گئی ،چوک میں سی سی ٹی ٹی وی کیمرے بھی لگے ہیں راحت فتح علی خان گاڑی میں موجودتھے ۔ عینی شاہدین کے مطابق جمعرات کو راحت فتح علی خان کی پراڈوگاڑی ایل ای462 دن پونے بارہ بجے کے قریب اسلام آبادکلب کی طرف سے آتے ہوئے کنونشن

سنٹر سے آگے فائیوسٹار ہوٹل کے قریب چوک میں پہنچی سامنے سے آنے والی ٹریفک کے لئے اس وقت اشارہ سرخ تھا اور اس طرف ساری ٹریفک رکی ہوئی تھی تاہم گلوکار راحت فتح علی خان کی گاڑی چندلمحوں کے لئے رکنے کے بعداشارہ توڑتے اور زناٹے بھرتی نکل گئی۔ اسلام آبادٹریفک پولیس کے مستعد اہلکار چوک میں کھڑے تھے اور اس قانون شکنی کو تکتے رہ گئے ۔

موضوعات:وفاقی دارالحکومت