اسلام آباد(مانیٹرنگ ڈیسک) وینا ملک اور اسد خٹک دنیا کو بیوقوف بناتے رہے، خلع کے بعد کی تصاویر نے سب بھید کھول دیا۔ تفصیلات کے مطابق ڈرامہ کوئین وینا ملک اور ان کے سابقہ شوہر اسد خٹک خلع کے بعد دنیا کو بیوقوف بناتے رہے اور سوشل میـڈیا کے ذریعے لوگوں کو یہ باور کراتے رہے کہ دونوں اپنی شادی شدہ زندگی سے خوش اور اچھے طریقے سے بسر کررہے ہیں۔

واضح رہے کہ وینا ملک کی جانب سے خلع کی دائر درخواست پر عدالت نے 31 جنوری 2017 کواسد خٹک کی عدم پیروی پر یکطرفہ فیصلہ سناتے ہوئے خلع کی ڈگری جاری کر دی تھی۔ لیکن دونوں سوشل میڈیا پرایک دوسرے کیلئے محبت بھرے پیغامات اور تصاویر دو مارچ تک شیئر کرتے رہے۔کہیں اسد نے وینا کی سالگرہ پر پیغامات دیئے تو کہیں اپنی زندگی کا حصہ بننے پر وینا کا شکریہ ادا کیا۔یہ سب پیغامات اور تصاویر وینا ملک سوشل میڈیا پر شیئر کرتی رہیںاور دنیا پر یہ ظاہر کرتی رہیں کہ ان کی زندگی میں سب ٹھیک ہے۔