لاہور (آئی این پی)کوک اسٹوڈیو کے گانے آفرین آفرین سے مشہور ہونے والی خوبرو گلوکارہ مومنہ مستحسن یوں تو اپنی منگنی ٹوٹنے کی خبروں کو بے بنیاد قرار دیتی رہی ہیں لیکن اب انہوں نے اپنی منگنی ٹوٹنے کی خبروں کی تصدیق کردی ہے۔کچھ دیر قبل مومنہ نے اپنے ٹوئٹر اکاؤنٹ پر ٹوئٹ کیا جس میں انہوں نے منگنی کے حوالے سے خود اہم خبر دی کہ ان کی منگنی ٹوٹ چکی ہے

مومنہ کا کہنا تھا کہ ہمارے خاندانوں نے باہمی رضا مندی سے یہ رشتہ ختم کردیا ہے۔گلوکارہ نے بتایا کہ کوئی بھی کسی رشتے سے اس لیے منسلک نہیں ہوتا کہ اسے ختم کردیا جائے، لیکن بعض اوقات حالات آپ کی مرضی اور سوچ کے مطابق نہیں رہتے۔یاد رہے کہ گزشتہ سال جب مومنہ مستحسن کی منگنی کی تصاویر منظر عام پر ا?ئیں تو ان کے چاہنے والوں کے دل ٹوٹ گئے تھے اور کچھ عرصہ بعد ہی ان کی منگنی ٹوٹنے کی افواہیں گردش کرنے لگیں تھیں۔