ممبئی (آئی این پی)کترینہ کیف نے اپنی بہن کو فلموں میں لانے کیلئے اچانک کیا کام شروع کر دیا ؟ بالی ووڈ کی باربی ڈول کترینہ کیف پروڈکشن ہاؤس بنائیں گی‘ پہلی ہیروئن بہن ازابیل ہوں گی۔ بھارتی میڈیا کے مطابق بالی ووڈ کے کئی فلمی ستاروں نے فلموں میں جہاں اپنی ا د ا کا ر ی کے جوہر دکھا نے کے بعد پروڈکشن کی جانب قدم بڑھائے وہیں کترینہ کیف بھی پروڈیوسر بننے کے لئے پر تولنے لگی ہیں۔
کترینہ نے بھی پروڈ کشن ہاوس بنانے کا فیصلہ کیا ہے اور اپنی نگرانی میں تیار کردہ فلم میں وہ ازابیل کیف کو متعارف کرائیں گی۔کترینہ فلموں کی شوٹنگ کے دور ا ن اداکاری کے ساتھ پروڈکشن پر بھی خاصی نگاہ رکھتی ہیں اور اس حوالے سے ان سے پوچھا گیا تو ان کا کہنا تھا کہ ابھی تک کچھ بھی فائنل نہیں ہوا تاہم میں فلم ضرور پروڈیوس کروں گی۔
