اسلام آباد (مانیٹرنگ ڈیسک) بالی ووڈ کی بات جائےتویہ فلم انڈسٹری بجا طور پر بالی ووڈز کے خانز پر ٹکی نظر آتی ہے جن کی فطرت میں ہی پے در پے سپر ڈوپر ہٹ فلمیں دینا ہے ۔ بالی ووڈ فلم انڈسٹری کے سپر سٹار عامر خان کو مسٹر پرفیکشنسٹ کے نام سے جانا جاتا ہے کیونکہ وہ اپنے ہر نئے کردار میں ڈوبنے کیلئے جہاں اپنی اداکاری کا سہارا لیتے ہیں تو وہیں اپنا حلیہ اورجسامت تک تبدیل کر لیتے ہیں۔ حال ہی میں اربوں روپے کا بزنس کرنے والی فلم دنگل اس کی مثال ہے جس میں پہلوان کا کردار
ادا کرنے کیلئے عامر خان نے اپنے جسم کو موٹا کر لیا تھا۔ اب انڈین میڈیا کے مطابق مسٹر پرفیکشنسٹ اپنی نئی فلم ٹھگز آف ہندوستان کی شوٹنگ میں مصروف ہیں۔ اپنی ماضی کی روایات برقرار رکھتے ہوئے عامر خان نے اس مرتبہ پھر اپنا گیٹ اپ تبدیل کر لیا ہے اور داڑھی مونچھیں بڑھا کر اپنے مداحوں کے سامنے آ رہے ہیں۔ عامر خان کے اس نئے حلیے نے ان کے مداحوں کو حیران کر دیا ہے۔واضح رہے کہ اس سے پہلے عامر خان نے گجنی فلم میں اپنا گیٹ اپ اس قدر تبدیل کر لیا تھا کہ لوگ دیکھتے ہی حیران رہ گئےتھے۔
