کوککتہ (مانیٹرنگ ڈیسک) بالی ووڈکی معروف بنگالی نژاد اداکارہ بتاستاساہاکی لاش ان کے کمرے سے ملی ہے اوران کی لاش پرزخموں کے نشانات بھی پائے گئے ہیں جبکہ بتایاجارہاہے کہ اداکارہ بتاستاساہا کی لاش دودن پرانی ہے ۔بھارتی میڈیارپورٹس کے مطابق اداکارہ بتاستاساہااپنے گھرمیں اکیلی رہتی تھی ۔
بھارتی پولیس نے اطلاع ملنے پر اداکارہ بتاستاساہاکی لاش قبضے میں لے کراس کاپوسٹ مارٹم کرایاہے جس کی رپورٹ کاابھی انتظارکیاجارہاہے ۔پولیس کے مطابق بتاستا ساہا نے خود کشی کی یا اسے قتل کیا گیاہے اس کے بارے میں ابھی واضح طورپرکچھ نہیں کہاجاسکتاہے ۔پولیس کے مطابق جب اداکارہ بتاستاساہاکے کمرے کادروزاہ کھولنےکےلئے توڑاگیاتو ان کی لاش پھندے پرلگی ہوئی ملی جبکہ جسم پرتشدد کے نشانات بھی موجود تھے ۔ادھرداکارہ بتاستاساہاکے خاندان نے ایک انکم ٹیکس افسرکے خلاف گزشتہ روزایک درخواست دی تھی جس میں الزام لگایاگیاکہ اداکارہ اورانکم ٹیکس افسرکے درمیان مبینہ طورپرتعلقات تھے ۔درخواست میں الزام عائدکیاگیاکہ انکم ٹیکس افسرشادی شدہ ہونے کے باوجود ا داکارہ بتاستاساہاکوشادی پرمجبورکرتاتھاجس کی وجہ سے خودکشی کاواقعہ پیش آیا۔
