کراچی(آئی این پی)متحدہ عرب امارات کے تجارتی گروپ کے سربراہ اور الزرعونی فاؤنڈیشن کے چیئرمین سہیل محمد الزرعونی نے معروف اداکارہ میرا کو پاکستان کے لیے اپنی فلاحی تنظیم کا خیرسگالی سفیر مقرر کیا ہے، اداکارہ میرا نے الزرعونی پیلس میں سہیل محمد الزرعونی سے ملاقات کے موقع پر پاکستان میں جاری فلاحی کاموں کے لیے اپنی خدمات پیش کرنے کی خواہش ظاہر کی تھی،
سہیل محمد الزرعونی نے پاکستان کے مختلف علاقوں میں الزرعونی فاؤنڈیشن کے جاری فلاحی منصوبوں کو دیگر شہروں اور قصبوں تک پھیلانے کے عزم کا اظہار کرتے ہوئے کہاکہ اداکارہ میرا بطور خیرسگالی سفیر پاکستانی عوام کا معیار زندگی بلند کرنے اور انہیں صحت، تعلیم و رہائش سمیت دیگر بنیادی سہولتوں کی فراہمی میں اپنا بھرپور کردار ادا کریں گے،اداکارہ میرا نے الزرعونی فاؤنڈیشن کا پاکستان میں خیرسگالی سفیر بننے کو باعث اعزاز قرار دیتے ہوئے کہاکہ وہ سماجی کاموں کو پاکستان اور متحدہ عرب امارات سمیت پوری دنیا میں پھیلانے کا عزم رکھتی ہیں اور الزرعونی فاؤنڈیشن کے فلاحی کاموں کا حصہ بننے پر بے حد مسرور ہیں جو پاکستان اور دیگر ممالک میں مالی طور پر غیر مستحکم افراد کی بحالی کے لیے اپنا مثبت کردار ادا کررہا ہے۔متحدہ عرب امارات کے تجارتی گروپ کے سربراہ اور الزرعونی فاؤنڈیشن کے چیئرمین سہیل محمد الزرعونی نے معروف اداکارہ میرا کو پاکستان کے لیے اپنی فلاحی تنظیم کا خیرسگالی سفیر مقرر کیا ہے، اداکارہ میرا نے الزرعونی پیلس میں سہیل محمد الزرعونی سے ملاقات کے موقع پر پاکستان میں جاری فلاحی کاموں کے لیے اپنی خدمات پیش کرنے کی خواہش ظاہر کی تھی،
