ممبئی (آئی این پی)بھارتی نجی ٹی وی چینل پر ٹاک شو میدان جنگ بن گیا، رئیلٹی شو سے نکالے گئے سوامی اوم جی نے حاضرین میں بیٹھی خاتون کیلئے نا زیبا الفاظ استعمال کئے تو لوگ ان پر ٹوٹ پڑے۔بھارتی نجی ٹی وی چینل پرہونے والا ٹاک شو اس وقت اکھاڑے میں بدل گیاجب رئیلٹی شو سے نکالے گئے سوامی اوم جی نے اینکرز اور ساتھ بیٹھے مہمانوں کیلئے نا زیبا الفاظ استعمال کئے
جس پر ماحول گرم ہو گیا،پہلے زبانی تکرار ہوتی رہی پھر بات ہاتھا پائی تک جا پہنچی۔خواتین کے ساتھ ناروا سلوک کرنے پر سوامی اوم جی کو رئیلٹی شو سے نکال دیا گیا تھا، اس شو کی میزبانی سلمان خان کرتے ہیں ،ٹاک میں جب ساتھی مہمان نے سوامی اوم جی کی پول پیٹیاں کھولیں تو وہ آگ بگولہ ہو گئے۔