اسلام آباد (مانیٹرنگ ڈیسک) بالی ووڈ کے رنویر سنگھو کو کون نہیں جانتا ۔ ان کی مونچھیں اور دبنگ انداز میں اداکاری نہ صرف بھارت بلکہ پاکستان میں بھی مشہور ہے۔ حال ہی میں ان کی ایک نئی فلم ’’باجی رائو مستانی ‘‘ میں رنویر سنگھ کی جاندار اداکاری نے اس فلم کو شہرت کی بلندیوں پر پہنچا دیا ۔
ڈپیکا پڈکون سے معاشقہ بھی ان کی وجہ شہرت رہا جبکہ مختلف اداکاروں کی پیروڈی بھی ان ہی کی خصوصیت ہے جس میں وہ ید طولیٰ رکھتے ہیں ۔تازہ ترین میڈیا رپورٹس کے مطابق انکشاف ہوا کہ رنویر سنگھ پاکستان میں موجود ہیں ۔ سننے والے حیران رہ گئے ، پھر جب حقیقت کھلی تو معلوم پڑا کہ یہ جناب تو کوئی حماد شعیب ہیں ۔ تفصیلات کے مطابق حماد شعیب نامی پاکستانی شخص جو فیصل آباد کا رہائشی ہے ، دکھنے میں ہو بہو رنویر سنگھ ہی لگتا ہے۔ وہی ناک نقشہ،وہی قد کاٹھ ، وہ بالوں اور مونچھوں کا سٹائل ۔ رنویر کی مماثلت رکھنے والا حماد شعیب بھارتی ادکار رنویر کا سب سے بڑا فین ہونے کا دعویدار بھی ہے ۔ اس کی چند تصاویر آپ بھی ملاحظہ کیجئے ۔
