امرتسر (آئی این پی)دنگل کے پہلوان کی ویڈیو نے سوشل میڈیا پر دھوم مچادی ،عامر خان نے ایک بار پھر سب کو چونکا دیا ہے ہر فلم میں نیا اندازاپنانے والے اس بار دنگل میں بھی کچھ نیا لے کر آرہے ہے جس کو دیکھنے کے لئے شائقین کو 23 دسمبر کا انتظار کرنا پڑے گا
بیٹیوں کو اکھاڑے کے میدان میں اتارنے والے پہلوان کی کہانی میں عامر خان نے پہلے پہل موٹاپے کو اپنا مہمان بنایا جی کھول کر ایسا کھایا کہ وزن بڑھتا ہی چلا گیا جس پر عامر خان کا کہنا تھا کہ فلم میں ان کا اسی فی صد کردار موٹاپے پر مبنی ہے اسی لیے سب سے پہلے انہوں نے موٹا ہو کر یہ مناظر شوٹ کرائے اور پھر جب ان کے یہ متعلقہ مناظر عکس بند ہوگئے تو پھر سے فٹ ہونے کی ٹھانی اور دن و رات ایک کرتے ہوئے خود کو موٹاپے سے نجات دلانے میں کامیاب ہوگئے
سوشل میڈیا پر عامر خان کی یہ ویڈیو بہت وائرل ہوچکی ہے آج کل بس اسی کا چرچا ہے دنگل 23دسمبر کو سینما گھروں کی زینت بنے گی جس کی عکس بندی روکنے کے لیے انتہا پسند جماعت شیوسینا تیار بیٹھی ہے اور حال ہی میں ہندو انتہا پسند عامر خان کے خلاف مورچہ بنا کر ان پر تنقید اور دھمکیاں بھی دے چکی ہے۔