ممبئی (مانیٹرنگ ڈیسک )بالی ووڈ اداکار نوازالدین صدیقی نے کہاہے کہ بھارت اورپاکستان کے درمیان کشیدہ صورتحال کے پیش نظر یہی بہترہے کہ پاکستانی فنکار بھارت چھوڑ کر چلے جائیں۔ٹائمز آف انڈیا کی ایک رپورٹ کے مطابق ایک پریس کانفرنس کے دوران نوازالدین صدیقی سے پاکستانی فنکاروں کے حوالے سے سوال کیا گیا تھا جس پر ان کا یہ ردعمل سامنے آیا۔واضح رہے کہ حال ہی میں سلمان خان نے ہندوستان میں پاکستانی فنکاروں پر پابندی کے خلاف آواز اٹھائی تھی، ان کا کہنا تھا کہ وہ فنکار ہیں دہشت گرد نہیں اور انہیں ملک میں آنے کی اجازت ہماری حکومت ہی دیتی ہے۔اس حوالے سے جب نوازالدین صدیقی سے سلمان خان کے اس بیان کے حوالے سے رائے مانگی گئی اور پوچھا گیا کہ کیا وہ ان کے ساتھ نہیں ہیں تو ان کا کہنا تھا کہ اس میں سلمان خان کے ساتھ یا الگ ہونے والی کوئی بات نہیں ہے، یہ ہمارے ملک کا معاملہ ہے اور اس سے بڑھ کر کچھ نہیں ہے۔انہوں نے کہاپاکستانی فنکاروں کی بہتری اسی میں ہے وہ اپنے وطن واپس چلے جائیں ۔