اسلام آباد(مانیٹرنگ ڈیسک) بالی ووڈ کی باربی ڈول اور’’اسٹوڈنٹ آف دی ائیر’’ سے کرئیر کا آغاز کرنے والے اداکارسدھارتھ ملہوترا اپنی نئی آنیوالی فلم ‘‘بارباردیکھو’’ کی پروموشن کے لیے بھارت کے مختلف شہروں میں سفرکررہے ہیں لیکن ممبئی واپس آنے کے لیے دیرہونے کی وجہ سے وہ دہلی ائیرپورٹ پر آف لوڈ کر دیئے گئے۔بالی ووڈ اداکاراپنی نئی آنے والی فلموں کو کامیاب بنانے کے لیے ریلیز سے قبل ان کی پروموشن کے لیے دن رات ایک کر دیتے ہیں اسی طرح اداکارہ کترینہ اوراداکار سدھارتھ ملہوترا بھی اپنی نئی آنیوالی فلم ‘‘بارباردیکھو’’ کی پروموشن کے لیے بھارت کے مختلف شہروں میں سفر کررہے ہیں لیکن کبھی وہ فلائٹ کے لیے بالکل آخرمیں پہنچتے ہیں تو کبھی فلائٹ مس کردیتے ہیں۔
بھارتی میڈیا رپورٹس کے مطابق دونوں اداکاردہلی کے اندرا گاندھی انٹرنیشنل ائیرپورٹ پر ممبئی آنے کے لیے موجود تھے جہاں انہوں نے اپنا بورڈنگ پاس بھی بنوالیا تھا تاہم فلائٹ میں وقت ہونے کے باعث دونوں نے اچانک وہاں موجود اپنے مداحوں کے ساتھ فلم کی پروموشن شروع کردی اوران کے ساتھ خوش گپیوں میں اتنے محو ہوگئے کہ انہیں اپنی فلائٹ کا وقت ہی یاد نہ رہا۔دونوں اداکاروں کے طیارے میں نہ آنے پردوسرے مسافروں نے شور مچانا شروع کردیا جب کہ ائیرپورٹ انتظامیہ کی جانب سے بھی انہیں جانے کا متعدد بار کہا گیا تاہم ایک گھنٹے سے زائد دیر میں آنے پر دونوں کو ہی آف لوڈکردیا گیا۔

موضوعات:کترینہ کیف