ممبئی(نیوز ڈیسک)بولی ووڈ اداکار فرحا ن اختر کا کہنا ہے کہ شردھا کپور اداکارہ ہونے کے ساتھ بہترین گلوکارہ بھی ہیں۔فرحان اختر نے ویڈیو لنک کے زریعے صحافیوں کو بتایا کہ اداکارہ کی آواز بے حد سریلی ہے۔ انکا کہنا تھا کہ شردھا کپور نے انکی نئی آنے والی فلم ”راک آن 2“ کے لئے تین جبکہ انھوں نے خود 4گانے ریکارڈ کرائے ہیں۔41سالہ اداکار کا کہنا تھا کہ شردھا کپور کی خوبصورت آواز نے نا صرف مجھے بلکہ شنکر مہادیون ، احسان اور لوئے کو بھی حیران کر دیا تھا۔واضح رہے فرحان اختر اور شردھا ”راک آن 2“ میں ایک ساتھ نظر آئیں گے۔فرحان اختر نے بتایا کہ انکا اداکارہ کے ساتھ کام کا تجر بہ انتہا ئی شاندار رہا۔راک آن ٹو2008ءمیں نمائش کیلئے پیش کی جانے والی فلم ”راک آن “ کا سیکوئیل ہے۔راک آن ٹو کی کاسٹ میں فرحان اختر ، ارجن رامپال، شردھا کپور ، پراچی ڈیسائی اور پورب کھولی کے نام شامل ہیں۔ بھاگ ملکھا بھاگ سٹار کی ”راک آن 2“ آئندہ سال نومبر میں نمائش کیلئے پیش کی جائے گی۔