اسلام آباد (نیوز ڈیسک): کویت ایئرویز نے اعلان کیا ہے کہ وہ یکم اپریل سے لاہور کے لیے اپنی پروازیں دوبارہ شروع کر رہی ہے، جو دمام کے راستے چلائی جائیں گی۔
ایئر لائن کے مطابق یہ کمرشل سروسز ہفتے میں دو دن، بدھ اور ہفتہ کو فراہم کی جائیں گی، جس سے مسافروں کو ایک بار پھر سفری سہولت میسر آئے گی۔قائم مقام سی ای او عبدالوہاب الشطی کا کہنا ہے کہ کمپنی نے بدلتے ہوئے آپریشنل حالات کو مدنظر رکھتے ہوئے ایک لچکدار حکمت عملی اختیار کی ہے، تاکہ مسافروں کو بہتر اور بروقت سہولت فراہم کی جا سکے۔انہوں نے مزید بتایا کہ ایئر لائن نے اپنے مسافروں کے لیے سعودی ویزا حاصل کرنے کی سہولت بھی متعارف کرائی ہے، تاہم یہ سہولت ان افراد کے لیے ہوگی جو پہلے سے کویت ایئرویز کی پرواز بک کروائیں گے۔
