پشاور(این این آئی)پشاور سمیت خیبر پختونخوا کے بیشتر اضلاع میں آئندہ چوبیس گھنٹوں کے دوران مزید بارشوں کاامکان ہے،

پشاور سمیت بالائی خیبر پختون خوا اور میدانی علاقوں کا موسم گہرے بادلوں کے لپیٹ میں ہے۔محکمہ موسمیات کے مطابق ڈیرہ اسماعیل خان ، لکی مروت ، ہنگو ، کرم ، پاراچنار میں بھی بارش ہوئی۔ خیبر ، لنڈی کوتل، دیر، سوات ،چترال اور شانگلہ میں بھی رات گئے تک بارش رہی۔ صوبے کے بلند پہاڑ وں پر کہیں کہیں ہلکی برفباری ہوئی جبکہ برفباری سے بالائی علاقوں کا موسم سرد ہوگیا۔محکمہ موسمیات کے مطابق میدانی علاقوں میں بارش ،بلند پہاڑوں پر برف پڑنے کا امکان ہے۔