اسلام آباد(نیوزڈیسک )بالی ووڈ بادشاہ شاہ رخ خان ویسے تو سوشل میڈیا پر اپنے مداحوں کے ساتھ بات چیت میں کافی سر گرم نظر آتے ہیں تاہم اس بار بولی وڈ اداکاروں اور ان کی فلموں کے بارے میں نازیبا الفاظ کا استعمال کرنے پر سخت ناراض دکھائی دیئے۔شاہ رخ خان نے سماجی رابطے کی ویب سائٹ ٹوئٹر پر ایک ٹویٹ کے ذریعے اپنے مداحوں کو بولی وڈ اداکار اور ان کی فلموں کے حوالے سے غلط باتیں کرنے سے روکا۔ان کا کہنا تھا کہ لوگ اپنے بات کہنے کو آزادی رائے کہتے ہیں البتہ اداکاروں اور ان کی فلموں کے بارے میں غلط باتیں کرنا چھوڑ دینی چاہیے۔شاہ رخ خان نے اپنی پہلی ٹویٹ کے بعد ایک اور ٹویٹ بھی کی جس سے اس بات کا اندازہ لگایا جاسکتا ہے کہ ان کے مداحوں کو ان کی یہ بات کچھ پسند نہیں آئی۔شاہ رخ کے مطابق وہ یہاں کسی کو اچھے برے کی سیکھ دینے کے لیے موجود نہیں ہیں۔شاہ رخ بھلے ہی کسی کو اچھا برا نہ سمجھا رہے ہوں البتہ یقیناً اداکار دوسروں کے لیے ایک اچھی مثال قائم کر رہے ہیں۔