اسلام آباد(نیوز ڈیسک) پاکستانی اور بھارتی دلوں پر راج کرنے والے اداکار فواد خان کینیڈا اور امریکا میں اپنے فن کا مظاہرہ کریں گے اور اس سے حاصل ہونے والی رقم پاکستان میں موجود فلاحی اداروں کو عطیہ کریں گے۔بھارتی میڈیا رپورٹس کے مطابق فواد خان پاکستان میں موجود فلاحی اداروں کے لیے پیسہ جمع کرنے بھارت سے امریکا کے لئے روانہ ہوگئے جس کے بعد وہ کینیڈا جائیں گے جہاں اداکار مختلف سرگرمیوں کے زریعے رقم جمع کریں گے۔ ذرائع کے مطابق پاکستانی اداکاراوران کی اہلیہ شوکت خانم اسپتال اور لاہور میں واقع ریسرچ سینٹرسمیت مختلف فلاحی اداروں کے لیے پیسے جمع کرنے کا اراداہ ر کھتے ہیں۔فواد خان اپنی اداکاری سے نہ صرف پاکستان اور بھارت میں مشہور ہیں بلکہ امریکہ اور کینیڈا میں بھی ان کے ہزاروں مداح ہیں جو ان کی ایک جھلک دیکھنے کے لئے بے تاب ہیں۔واضح ر ہے کہ فواد خان فلم فئیرایوارڈ حاصل کر نے والے پہلے پاکستانی اداکار ہیں جب کہ انہیں بھارت میں بیسٹ ڈیبیو ایوارڈ سے بھی نوازا گیا ہے۔