ممبئی(نیوز ڈیسک)بالی ووڈ سٹار عامر خان نے اپنی شہرہ آفاق فلم ”پی کے“ میں مذہبی موضوع پر اظہار خیال کرکے تہلکہ برپا کردیا اور اب وہ ایک بار پھر اسی موضوع پر ایک اور فلم بنانے جارہے ہیں۔ عامر خان نے حال ہی میں ایک انٹرویو میں انکشاف کیا ہے کہ وہ کم بجٹ والی ایک نئی فلم بنارہے ہیں جو کہ سپر سٹار بننے کی خواہش رکھنے والی ایک مسلمان لڑکی کی زندگی اور اسے پیش آنے والی مشکلات کے متعلق ہے۔ فلمی تجزیہ کاروں کا کہنا ہے کہ نئی فلم کا نام ”دی سیکرٹ سپر سٹار“ ہوسکتا ہے اور عامر خان آج کل اس کی ہیروئن کے لئے کسی نئی لڑکی کی تلاش کررہے ہیں۔ تجزیہ کاروں کا یہ بھی کہنا ہے کہ یہ فلم بھی ”پی کے“ کی طرح غیر معمولی کامیابیاں حاصل کرے گی۔