ممبئی (نیوز ڈیسک ) ملکہ شیراوت نے اپنی نئی فلم ”ڈرٹی پولیٹکس” کی تشہیری مہم تیز کر دی ہے۔ ممبئی میں ہونے والی پروموشن تقریب میں فلم کی پوری کاسٹ نے شرکت کی۔ نصیر الدین شاہ ، جیکی شروف اور ملکہ شیراوت سمیت دیگر اداکاروں نے ممبئی میں نئی فلم ”ڈرٹی پولیٹکس” کی پروموشن میں حصہ لیا۔ فلم کی کہانی سیاسی رسہ کشی اور داو¿ پیچ پر مبنی ہے۔ فلم میں نصیر الدین شاہ کا کردار دہلی کےعام آدمی پارٹی کے رہنما اروند یجریوال جیسا ہے۔ انوپم کھیر ،اوم پوری اور اشوتوش رانا بھی فلم میں اہم کرداروں میں جلوہ گر ہیں۔ فلم دیکھنے کے لیے شائقین کو 6 مارچ تک انتظار کرنا ہوگا۔