گوجرانوالہ: اسٹیج اداکار شوکت رنگیلا کی بیوی نے ساتھی اداکاراؤں سے دوستی کے شبے میں شوہر کی جوتوں سے پٹائی کرڈالی۔
گوجرانوالہ کے پنجاب تھیٹر میں اسٹیج ڈرامے کی ریہرسل جاری تھی کہ اسی دوران شوکت رنگیلا کی بیوی خورشید بی بی وہاں پہنچ گئی اور شوہر پر جوتوں کی بارش کرڈالی، اس موقع پر شوکت رنگیلا کے ساتھ ریہرسل میں موجود شاہ زیب مرزا اور امجد رانا سمیت دیگر ساتھی اداکاروں نے میاں بیوی کے درمیان بیچ بچاؤ کرنے کی کوشش کی تو خورشید بی بی نے ان پر بھی جوتے برسا ڈالے۔
خورشید بی بی کا کہنا تھا میرے شوہر کے ساتھی اداکاراؤں کے ساتھ تعلقات ہیں جس کی وجہ سے نہ تو وہ گھر آتا ہے اورنہ ہی خرچہ دیتا ہے جس کے باعث فاقوں تک کی نوبت آگئی ہے۔
