لاہور(نیوز ڈیسک) اسٹیج اداکار افتخار ٹھاکر نے کہا کہ میری کامیابی میں محنت اور خلوص کا سب سے زیادہ کردار ہے‘ مجھے جو مقام صرف چند مہینوں میں ملا کئی لوگوں کو زندگی بھر یہ مقام نہیں مل سکا‘ اسٹیج کی دنیا کو اپنا گھر اور ساتھی اداکاروں کو خاندان کا حصہ سمجھتا ہوں۔ایک ملاقات کے دوران افتخار ٹھاکر نے کہا کہ میرے اسٹیج میں آنے سے پہلے بھی بہت سے نامور لوگ کام کر رہے تھے اور ان حالات میں کسی نئے اداکار کا کامیاب ہونا ناممکن ہوتا ہے اور مگر جب محنت اور خلوص ساتھ ہو تو منزل تک پہنچنے کیلئے کوئی نہیں روک سکتا۔